RedStrong Red (default) BlueCalm Blue GreenFresh Green

Chose your color scheme.

Հրանտ Մարգարյան. Ամոթ կլինի մեզ, որ մեր երկրում մենք մեր խոսքը լսելի չդարձնենք

Posted on September 3, 2008, by , under Լուրեր.

«ԱԶԱՏՈՒԹՅՈՒՆ».-Հայ հեղափոխական դաշնակցության բյուրոյի ներկայացուցիչ Հրանտ Մարգարյանը երեկ ասաց, որ Թուրքիայի նախագահ Աբդուլա Գյուլի այցի կապակցությամբ, որը սպասվում է սեպտեմբերի 6-ին (Գյուլը Հայաստանի նախագահ Սերժ Սարգսյանի հրավերով գալու է դիտելու Հայաստան եւ Թուրքիա ֆուտբոլային հանդիպումը), Դաշնակցությունը «պատրաստվում է լուրջ, սոլիդ, կարգապահ ցույց անել»:

«Մենք պատրաստվում ենք լուրջ, սոլիդ, կարգապահ ցույց անել», – Մատենադարանի մոտ Լեռնային Ղարաբաղի անկախության հռչակման 17-րդ տարեդարձի կապակցությամբ Դաշնակցության կազմակերպած հանրահավաք-համերգից առաջ «Ազատություն» ռադիոկայանին ասաց Մարգարյանը` շարունակելով. – «Ցույց տալ մեր ժողովրդի տրամադրությունը, խոսքը: Ես գիտեմ, որ հակաքարոզչություն է տարվում, այդ հակաքարոզչությանը պետք է ես ճիշտ անդրադառնամ. եթե Ֆրանսիա է այցելում Թուրքիո նախագահը, եւ ֆրանսահայությունը ցույց է անում, եթե Հունաստան է այցելում եւ հունահայությունը, Հունաստանի քաղաքացիները ցույց են անում, ամոթ կլինի մեզ, որ մեր երկրում մենք մեր խոսքը լսելի չդարձնենք… Եվ զգացական այն մակարդակը, որ` քաղաքավարությունից հեռու է, որ կլինի վայրենություն, վայրենություն չպետք է անենք, պետք է անենք քաղաքական ակտ»:

«Մենք քաղաքական ուժեր ենք, մենք պետություններ ենք, ունենք ազգային խնդիրներ, շահեր, քաղաքականություն, ու այդ հարաբերության մեջ դրանք չի կարելի անտեսելե, – շարունակեց նա: – «Անշուշտ, այդ խնդիրները չեն կարող պատճառ դառնալ, որ մենք չհարաբերվենք, բայց այդ հարաբերությունների գոյությունը չի կարող պատճառ դառնալ, որ մենք մեր խնդիրներից հրաժարվենք»:

Դառնալով բուն հանրահավաք-համերգին, հարկ է նշել, որ մասնակիցների մեջ շատ էին մարզերի բնակիչները: Նրանցից շատերը «Ազատություն» ռադիոկայանի հետ զրույցներում պնդեցին, որ իրենց ստիպելով են բերել:

«80 տոկոսը այդպես է եկել, ո՞վ չգիտի», – ասաց միջին տարիքի մի տղամարդ:

Մեկ այլ մասնակից ասաց, որ իրեն խնդրել է գալ իր հարազատներից մեկը` «որ իմանան, որ այդ մարդու հետ մարդ է եկել, որ գործից չհանենե:

Կրթության եւ գիտության նախարար, դաշնակցական Սպարտակ Սեյրանյանը, ի պատասխան նրանց ասածները մեկնաբանելու` «Ազատություն»ռադիոկայանի խնդրանքին, ասաց. – «Ով ինչ ասես, կարող է ասել… Ես էլ ասում եմ` սուտ են ասում ասողներըե:

Ռուբեն Մելոյան

Leave a Comment